Duke hulumtuar për një gjysmë shekulli nëpër faqet e revistës “Studime Filologjike”

Abstract

Dëshira ime për t’u marrë me gjuhën shqipe ka lindur menjëherë sa mbarova fakultetin e gjuhë-letërsisë, pikërisht në atë vit kur revista “Studime filologjike” hodhi hapin e saj të parë. E sa më shumë ndizej tek unë pasioni për gjuhën, aq më e domosdoshme bëhej kjo revistë duke qenë më e afërta dhe më e lexuara për një gjysmë shekulli. Prej saj mora drejtimet e punës sime, objektin, materialet dhe metodën. Kësisoj, puna ime në fushë të albanologjisë është bashkëmoshatare me këtë revistë. E sot, pas 50 vjetësh, mund të bëhet bilanci i saj pozitiv duke sjellë vështrimin në të shkuarën, në të sotmen dhe në të ardhmen e saj.